08 фев 13:24
Янгиликлар

Бокс/ММА

Брэндон Фигероа нокаут эвазига WBA камарини қўлга киритди

Англиянинг Ливерпуль шаҳрида навбатдаги профессионал бокс турнири бўлиб ўтди.

Америкалик 29 ёшли Брэндон Фигероа мезбонларнинг 28 яшар Ник Боллдан ярим енгил вазн тоифасида WBA чемпионлик камарини тортиб олди. Жанг жуда рақобатбардош кечди ва сўнгги ўн иккинчи раундда америкалик боксчи кучли зарба эвазига рақибини нокаутга учратди. Жанг рефери томонидан тўхтатилди.

Британиялик Ник Болл учун бу фаолиятидаги илк мағлубият бўлди. Сўнгги раунд олдидан Фигероа 106-103, 106-103 102-107 ҳисобида олдинда бораётганди. Брэндон Турки Ал аш-Шайхдан 12 сентябрь куни Ар-Риёдда бўлиб ўтадиган "Мексика дунёнинг қолган қисмига қарши" шиори остидаги турнирда иштирок этиш таклифини олди.