02 фев 12:24
Янгиликлар

Қиличбозлик, Токио-2020

Аҳмаджонов Андижонда қиличбозлик мажмуасига ташриф буюрди

Ўзбекистон миллий олимпия қўмитаси президенти ва Ўзбекистон футбол ассоциациясининг биринчи вице-президенти Умид Аҳмаджоновнинг Андижонга сафари давом этмоқда.

Умид Аҳмаджонов ташриф доирасида Андижон шаҳридаги қиличбозлик спорт мажмуасини ҳам кўздан кечирди. Бу ердаги шароитлардан МОҚ президенти мамнун бўлди. Чунки, айни пайтда ушбу қиличбозлик мажмуаси терма жамоа базаси ҳисобланади.

Ҳозирда 200 нафарга яқин спортчилар у ердаги йиғинларда иштирок этмоқдалар. Февраль ойи якунида старт оладиган ёшлар ва ўсмирлар ўртасидаги Осиё чемпионатига ҳам ушбу вилоятнинг уч нафар спортчиси иштирок этади.

Шунингдек, шу йил Индонезиянинг Жакарта шаҳрида ўтказиладиган Осиё ўйинларида ҳам Андижон вилоятининг уч нафар вакили қатнашиши режалаштирилган.