04 дек 20:38
Янгиликлар
Бокс/ММА
AIBAнинг тажрибали инструкторлари Ўзбекистон бокс федерациясида + ФОТО
Хабар бериб ўтганимиздек, Ўзбекистонда бокс ҳакамлари ва расмийлари фаолиятини ривожлантириш борасида янги лойиҳа бошланган.
Ушбу стратегия доирасида 5-6 декабрь кунлари Тошкентда катта семинар ташкил этилади. Ушбу семинарда инструктор сифатида ишлайдиган тажрибали мутахассислар Эндрью Коулфильд ва Игорь Билецький юртимизга келди. Бугун улар Ўзбекистон бокс федерациясида бўлиб, юртимизда ҳакамлик фаолиятини ривожлантиришга оид лойиҳа билан танишди.
Қайд этиш лозимки, ушбу стратегия хорижий мутахассисларда илиқ таассурот қолдирди. AIBAнинг икки тажрибали инструктори ўзбек ҳакамлари учун семинарда дарс ўтади. Шунингдек, 8-14 декабрь куни катталар ўртасида ўтказиладиган Ўзбекистон чемпионатида ишлайдиган ҳакамларимизнинг фаолияти бўйича тегишли ҳулосаларни беради.
Ўзбекистон бокс федерацияси матбуот хизмати
Ҳавола :
Манба : t.me/boxinguzbekistan
Фикрлар