28 май 13:45
Янгиликлар

Эшкак эшиш

Академик эшкак эшиш. Осиё ўйинларига тайёргарлик қизғин давом этмоқда

Академик эшкак эшиш бўйича Ўзбекистон терма жамоаси спортчилари ҳам Индонезияда бўлиб ўтадиган Осиё ўйинларига пухта тайёргарлик кўрмоқдалар.

Терма жамоамиз аъзолари 14 майдан бошлаб Тошкент вилоятидаги Тошкент денгизи эшкак эшиш каналида машғулотлар олиб бораяптилар. Бу ерда спортчиларимизнинг талаб даражасида машғулотлар ўтказишлари учун барча шарт-шароитлар яратилган.

Ўқув-машғулот йиғинида 22 нафар спортчи иштирок этмоқда. Уларга тажрибали мураббийлар Сергей Тян, Толиб Исобоев, Дмитрий Шугуров, Вячеслав Дидрихлар маҳорат сирларини ўргатмоқдалар.

Эшкак эшувчиларимизнинг жисмоний ва тактик тайёргарлиги белгиланган режа-жадвал асосида мунтазам кўрикдан ўтказиб борилмоқда. Ўқув-машғулот йиғини 6 июнгача давом этади.