17 май 08:01
Янгиликлар

Эшкак эшиш

Академик эшкак эшувчиларимиз халқаро мусобақаларга пухта тайёргарлик кўрмоқдалар

Академик эшкак эшиш бўйича Ўзбекистон терма жамоаси спортчилари ҳам Индонезияда бўлиб ўтадиган Осиё ўйинларига жиддий тайёргарлик олиб бормоқдалар.

Тошкент денгизидаги эшкак эшиш каналида терма жамоамизнинг етакчи аъзолари ўқув-машғулот йиғинини ўтказмоқдалар. У ерда спортчиларимиз талаб даражасида машғулотлар ўтказишлари учун барча шарт-шароитлар яратилган.

Ўқув-машғулот йиғинида 22 нафар спортчи иштирок этаяпти. Уларга тажрибали мураббийлар Сергей Тян, Толиб Исобоев, Дмитрий Шугуров, Вячеслав Дидрихлар маҳорат сирларини ўргатмоқдалар.

Спортчиларимизнинг жисмоний ва тактик тайёргарлиги белгиланган режа-жадвал асосида мунтазам кўрикдан ўтказиб борилмоқда. Ўқув-машғулот йиғини 6 июнга қадар давом этади.