Албанияда Евро-2024 ўйинлари сабаб Парламент йиғилиши бекор қилинди

Албанияда Евро-2024 бошланиши муносабати билан Парламент йиғилиши бекор қилинди, деб хабар берди "Diario AS".

Хабар қилинишича, бу ҳафтадаги йиғилиш пайшанбадан чоршанба кунига кўчирилган, кейинги ҳафтадаги йиғилиш эса бекор қилинган, чунки кўплаб депутатлар миллий терма жамоа ўйинлари учун Германияга боришни хоҳламоқда. Албания мухолифатдаги Демократик партияси раҳбари Газмент Барди Бош вазир Эди Рамага мурожаатида буни шармандали ҳаракат деб атади.

Эслатиб ўтамиз, Евро-2024 турнири 14 июндан 14 июлга қадар Германияда ўтказилади. Албания терма жамоаси илк учрашувини 15 июнь, шанба куни Италия терма жамоасига қарши ўтказади.