Александр Иосифович Адисманни табриклаймиз!

Александр Иосифович номи нафақат Ўзбекистон, балки кўплаб мамлакатларда ҳам баскетбол номи билан чамбарчас боғланган. У юртимизда баскетболнинг ривожланиши, иқтидорли спортчиларни тарбиялаш ва турли мусобақаларда жамоаларимизга мураббийлик қилгани билан барчанинг эътиборини қозонган. Мураббийлик фаолиятида турли халқаро мусобақаларда Ўзбекистон терма жамоаси билан муваффақият қозонган. Мамлакатимизда баскетбол спорт турининг ривожланиб боришида фаол ҳаракатлари билан муносиб ўрин тутган.

Мураббийлик фаолияти давомида қуйидаги ютуқларга эришган:

— 1967 йил, Душанбе. Марказий Осиё республикаларининг 1-аёллар Спартакиадасида 1-ўрин;

— 1980 йил, Челябинск. Олий лигага ўтиш турнирида 1-ўрин;

— “Университет” жамоаси икки карра талабалар Спартакиадаси чемпиони;

— 1983-1984 йилги собиқ мамлакат чемпионатида 5-ўрин;

— 1995 йилги Осиё ўйинларида терма жамоа нимчорак финалигача етиб борди;

У республика терма жамоасига мураббийлик қилган йиллар давомида Олимпия, Жаҳон ва Европа чемпионлари Е.Коваленко, Р.Салимов, А.Жармухамедов, Д.Сухарев, Н.Бузляков, О.Левин каби ўнлаб спортчилар Ўзбекистон шарафини муносиб ҳимоя қилганлар.

82 ёшни қарши олган Александр Иосифович Адисманни табриклаб, унга янгидан-янги зафарлар тилаб қоламиз!