Александр Усик отаси ҳақида: «Унинг юраги тўхтаб бўлганидан кейин етиб келганимдан афсусдаман»

«Отам жуда қаттиқўл эди. Бунинг учун ундан миннатдорман. Қизим туғилганидагина отамни тушуна бошладим. У ўша вақтларда бетоб эди. Аввалари ҳеч қачон уни тушунмаганман. Бу мумкин эмас, у мумкин эмас, буни ўқи, уйда ўтир. Мен аллақачон 11 синфдаман ва соат 11 да уйда бўлишим шарт. Буларни ҳеч бирини тушунмаганман. Ҳар куни шу вақтда уйда бўлардим. Чунки уйда мени жазо кутарди. Ҳа, отам мени урарди. Бунда уни айбламайман. Балки мен билан бошқачасига муомала қилиб бўлмагандир. Мен эса қулоғимни тешиш, татуировка қилиш, спиртли ичимликларни ҳушламасамда маст бўлиб келиш кабилар билан унга жаҳлимни кўрсатардим.

Мен жуда аҳмоқона ҳарактерга эга, муроса қилиб бўлмайдиган эдим. Биз отамни операция қилдирдик. Опареациядан бир йил ўтгач унинг юраги тўхтади. У яшаб қолиши учун тиббиётга ёки бошқа нарсаларга нисбатан қатъиятли бўлмаганимдан афсусдаман. Отамнинг вафотидан 6 ой ўтгач мен учун жуда қийин бўлди. Фильмлардаги каби у билан гаплашдим. Лекин Яратганга шукур, тўғри кўрсатмалар билан ёрдам берди. 6 ойдан кейин мен уни тушимда кўрдим, у жуда хурсанд, жисмонан кучли эди. 

Албатта, мен ҳамма нарса учун отамдан миннатдорман. Унинг қаттиқ тартиб интизоми туфайли шу ердаман.

Вафотидан аввал унга айтишга улгурмаган гапларимдан афсусланаманми? Кела олмаганимдан афсусдаман. Унинг юраги тўхтаб бўлганидан кейин етиб келдим. Қисқа муддатда бу менга жуда қаттиқ зарба берди», - деди Александр Маша Ефросининага берган интервьюсида.