30 июл 14:55
Янгиликлар
Теннис
Александр Зверев 14 ойдан сўнг илк бор АТР турнири финалига чиқди
Германиянинг Гамбург шаҳрида бўлиб ўтаётган АТР турнирининг финалчилари маълум бўлди.
Жаҳоннинг 19-ракеткаси, мезбонлар вакили Александр Зверев ярим финалда АТР рейтингида 71-ўринни эгаллаб турган франциялик Артур Фисга қарши кортга чиқди.
Бир соату 29 дақиқа давом этган учрашувда Зверев рақибини 2 сет натижасига кўра 6/2, 6/4 ҳисобида мағлуб этиб, ўз уйида ўтаётган турнир финалига чиқди.
Эътиборлиси, Зверев 2022 йилнинг май ойида Мадридда Карлос Aлькаразга мағлуб бўлганидан бери илк бор финалга чиқди. Ўтган йилги “Ролан Гаррос”да у оёғидан жароҳат олиб, июнь ойида операция қилинган эди. Шундан сўнг у Турга фақат шу мавсумда қайтди.
Энди у мусобақа финалида сербиялик Ласло Жерега қарши баҳс олиб боради.
Ҳавола :
Манба : gotennis.ru
Фикрлар