11 июн 11:38
Янгиликлар

Теннис

Алина Корнеева ўсмирлар ўртасидаги "Ролан Гаррос" ғолибаси!

Ўсмирлар ўртасида ўтказилган "Катта Дубулға" туркумига кирувчи "Ролан Гаррос" турнирининг бош соврини Алина Корнеевага насиб этди.

Россиялик 15 ёшли қизалоқ ҳал қилувчи финал учрашувида Перу вакиласи Лусьяна Перес-Аларкондан 7/6(4), 6/3 ҳисобида устун келди. Теннисчилар 98 дақиқа давомида кортда ҳаракат қилишган. Бу вақт оралиғида Корнеева 3 та эйс, 6 та брейкни амалга ошириб, 4 та қўшхатога йўл қўйган.

Бу Алинанинг жорий мавсумдаги иккинчи "Катта Дубулға" турниридаги ғалабаси бўлди. У French Open турниридан аввал Australian Open мусобақасида ҳам бош соврин соҳибасига айланган эди.