Алишер Усмонов: "Мен аввалгидек севимли спорт туримга содиқман"

"Дунёнинг 100 дан ортиқ миллий федерациялари томонидан Халқаро қиличбозлик федерацияси президентлигига номзодим кўрсатилиши ва қўллаб-қувватланишини халқаро қиличбозлик бўйича ўтган 15 йил давомида эришилган ютуқларнинг эътирофи ва ишонч белгиси деб биламан. 103 та федерациянинг ҳар бирига, қолаверса, мени қўллаб-қувватлаган спорт раҳбарларига айтган илиқ сўзлари учун миннатдорчилик билдираман.

Шу билан бирга, FIE президентини сайлаш тартиби ташкилот Низоми билан тартибга солинади. Ноябрь ойи охирида Тошкентда бўлиб ўтадиган Халқаро қиличбозлик федерацияси Конгрессини кутиш керак. Мен аввалгидек ўзимнинг севимли спорт туримга содиқман. Халқаро қиличбозлик ҳамжамиятига бундан кейин ҳам муваффақиятлар ва спорт ғалабаларини тилайман", деди Усмонов МатчТВ билан суҳбатда.

Сайловлар бўлиб ўтадиган FIE Конгрессига 30 ноябрь куни Тошкент шаҳри мезбонлик қилади.