Алонсо 2023 йилда "Астон Мартин"га ўтади

"Формула-1"нинг икки карра чемпиони 2022 йилги мавсум охирида фаолиятини якунлайдиган Себастьян Феттел ўрнини эгаллайди. Жамоа испаниялик билан кўп йиллик шартнома имзолагани ҳақида хабар берди.

“Фернандо Алонсо жамоага 2023 йилда кўп йиллик шартнома асосида қўшилишини мамнуният билан тасдиқлайди. Бутун компания жамоага Фернандонинг ажойиб тажрибасини, унинг ажойиб тезлигини ва пойга маҳоратини келтиришидан жуда хурсанд. Фернандо каби истеъдодни жалб қилиш Формула-1`да ғолиб бўладиган жамоани яратишга интилган ташкилотнинг ниятининг аниқ ифодасидир", - дейилади "Астон Мартин" баёнотида.