Алонсо фақат битта ҳолатда "Байер"ни тарк этади

"Байер" бош мураббийи Хаби Алонсо "Реал"дан таклиф тушсагина лавозимини тарк этиши мумкин.

Манбанинг қайд этишича, испаниялик мутахассис бошқа клублар вариантларини кўриб чиқмаяпти ва Германияда ишлашни давом эттириш ниятида. Алонсо клуб раҳбарияти билан яхши муносабатларга эга ва унинг оиласи Леверкузенда бахтли яшайди.

Мураббийнинг клуб билан шартномаси 2025/2026 йилги мавсум охиригача амал қилади. Аввалроқ ОАВда "Реал" 2025 йилнинг ёзида Алонсони бош мураббийликка таклиф қилишни режалаштираётгани ҳақида маълумот пайдо бўлганди.

Эслатиб ўтамиз, Хаби Алонсо "Байер" бошқарувини 2022 йилда қўлга олган. Жамоа унинг қўл остида 2023/2024 йилги мавсум чемпионлик ва Германия Кубогини қўлга киритди, шунингдек, Европа Лигаси финалига чиқди.