20 сен 12:03
Янгиликлар

Бокс/ММА

Альварес — Берланга жанги учун қанча PPV сотилгани маълум бўлди

15 сентябрь тонгида АҚШнинг Невада штати Лас-Вегас шаҳрида профессионал бокс турнири ўтказилганди.

Дунёга машҳур "T-Mobile" аренада ўтган оқшомнинг марказий жангида иккинчи ўрта вазн тоифасида WBC, WBA ва WBO йўналишлари чемпиони мексикалик Сауль Альварес пуэрторикалик даъвогар Эдгар Берлангани мағлубиятга учратиб, ўз камарларини муваффақиятли ҳимоя қилган эди.

Ушбу жанг учун 650 мингдан зиёд PPV, яъни пуллик трансляциялар сотилган. Жанг чипталари эса 17 миллион долларга пулланган. Альвареснинг бундан аввалги Хайме Мунгиага қарши ўтказган жангига ҳозиргисидан 100 000 кам PPV сотилганди.