Альварес Плантдан 0,5 кг оғир чиқди. Кўз уриштириш маросимида сал қолишига сал қолди + ФОТО

Оқшомнинг марказий жанги WBA, WBO ва WBC йўналишлари чемпиони Сауль "Канело" Альварес ҳамда IBF чемпиони Калеб Плант ўртасида ўтказилади. Ғалаба қозонган тақдирда Альварес иккинчи ўрта вазнда мутлақ жаҳон чемпионига айланади. 

Кеча боксчилар анъанага кўра расмий тарозидан ўтиш ҳамда кўз уриштириш маросимларида ўзаро тўқнаш келишди. Альварес тарозида рақибидан 0,5 кг оғирроқ тош босди: Альварес — 76,2 кг, Плант — 75,7 кг.

Кўз уриштириш маросимида боксчилар бир-бирларини куракда турмайдиган "ширин" сўзлар билан сийладилар ва даҳанаки жангга киришиб кетишларига бир баҳя қолди. 

Ушбу жангни Тошкент вақти билан соат 06:00дан бошлаб Россиянинг «Матч ТВ» ва «Матч! Боец» телеканалларида томоша қилишингиз мумкин. Шунингдек, DAZN стриминг сервиси ҳам бокс оқшомини трансляция қилади.