Амалдаги BNP Paribas Open чемпиони ваколатини топширди

Дунёнинг учинчи ракеткаси, мусобақанинг амалдаги чемпиони Карлос Алькараз кутилмаганда 1/2 финалда мағлубият аламини тотиб кўрди. Испаниялик теннисчи ATP рейтингида 26-поғонада бораётган британиялик Жек Дрэйперга 1/6, 6/0, 4/6 ҳисобида имкониятни бой бериб қўйди.

Теннисчиларнинг ўзаро учрашувларида ҳамон Карлос олдинда бормоқда - 3:2. Бир юз беш дақиқа давом этган баҳсда Алькараз 3, Дрэйпер 4 та эйс зарбасини амалга оширган. Иккала теннисчи ҳам 4 тадан брейк-пойнтдан фойдалаган. Карлос Алькараз қаторасига икки йил Индиан-Уэллс турнири чемпиони бўлганди. Унинг ушбу турнирдаги ғалабали серияси 16 та учрашувни ташкил этиб турган эди. 

Дрэйпер фаолиятида илк бор "Мастерс" сериясига кирувчи турнир финалига чиқди. У BNP Paribas Open бош соврини учун даниялик Хольгер Рунега қарши кортга чиқади. Финалда қандай натижа қайд этилишидан қатъи назар Дрэйпер эртага эълон қилинадиган янгиланган рейтингда Топ-10`да дебют қилади. Ғалаба қозонган тақдирда 7, ютқазса 8-ракеткага айланади.