Амалдаги чемпион ортиқча қийинчиликсиз US Open 1/2 финалига чиқди ФОТОГАЛЕРЕЯ

Мусобақанинг амалдаги чемпиони 2 соату 29 дақиқа давом этган 1/4 финал учрашувида ATP рейтингида 12-поғонада бораётган германиялик Александр Зверевни 6:3, 6:2, 6:4 ҳисобларида мағлубиятга учратди. 

Испаниялик теннисчи 3 та эйс, 4 та брейк-пойнтга эришиб, 3 та қўшхатога йўл қўйди. Зверев эса 6 та эйс зарбасини амалга ошириб, 4 та қўшхато қайд этди. Бешта брейк-пойнтдан биронтасидан фойдалана олмади. Энди Карлос Алкарас US Open финал чиптаси учун россиялик Даниил Медведевга қарши кортга чиқади.