Амалдаги "Ролан Гаррос" чемпиони тўртинчи даврага чиқди

Франция Очиқ чемпионатининг аёллар ўртасидаги баҳсларида амалдаги чемпион Ига Свёнтек тўртинчи давра иштирокчисига айланди. Польшалик теннис маликаси учинчи босқичда WTA рейтингининг 42-поғонасида бораётган чехиялик Мари Бузковани таслим этди - 6/4, 6/2.

Бу теннисчиларнинг ўзаро ўтказган илк учрашуви эди. Тўқсон беш дақиқа давом этган баҳсда Свёнтек 2, Бузкова 5 та эйс зарбасини амалга оширган. Қўшхатолар чехиялик теннисчида кўпроқ бўлди - 3 га 1. Брейклар бўйича устунлик Ига томонда - 4 га 1! Энди у тўртинчи даврада россиялик Анастасия Потаповага қарши кортга чиқади.