01 июн 12:43
Янгиликлар
Теннис
Никита Белозерцев бугун ўсмирлар "Ролан Гаррос"идаги иккинчи ўйинини ўтказади
Ўзбекистон теннисининг ёш вакилларидан бири — Никита Белозерцев ўсмирлар ўртасидаги нуфузли "Ролан Гаррос" турнирида иштирок этади.
Франция пойтахти Париж шаҳрида ўтадиган мавсумнинг иккинчи «Катта дубулға» мусобақасида ўзбекистонлик теннисчи дунёнинг энг кучли ёш ракеткачилари қаторида кортга чиқади. Ҳамюртимизга илк даврада туркиялик Кай Томпсон рақиблик қилганди. Ушбу босқичда Никита 2:1 (4/6, 7/6, 6/0) ҳисобида ғолиб бўлганди.
Бугун эса юртдошимиз иккинчи даврада франциялик Янник Теодор билан баҳс олиб боради.
Айни пайтда Белозерцев ITF ўсмирлар рейтингида юқори ўринлардан бирини эгаллаб турибди. Маълумот учун, 17 ёшли теннисчимиз ўтган йили ҳам "Ролан Гаррос"нинг ўсмирлар турнирида иштирок этганди.
Теодорга қарши баҳс Тошкент вақти билан 17:00 да бошланиши белгиланган.
Ҳавола :
Манба : Olamsport.com
Фикрлар