11 дек 07:56
Янгиликлар

Теннис

Аманмурадова Дубайдаги турнирнинг асосий даврасида кортга чиқди

Шу кунларда Дубай шаҳрида теннис бўйича аёллар ўртасида “Фьючерс” туркумига кирувчи турнир давом этмоқда.

Мукофот жамғармаси 100 000 АҚШ долларини ташкил этувчи мусобақада ўзбекистонлик теннисчи Акгул Аманмурадова ҳам иштирок этаётганди. Ҳамюртимиз саралаш баҳслари орқали асосий тўрга етиб келган эди.

Афсуски, у 1 соату 18 дақиқа давом этган илк давра учрашувида польшалик Катажина Кавага 4:6, 2:6 ҳисобида имкониятни бой бериб қўйди. Аманмурадова WTA рейтингида 473, Кава эса 127-ўринни эгаллаб турибди.