08 фев 20:00
Янгиликлар

Теннис

Аманмурадова Хуа Хиндаги иштирокини ғалаба билан бошлади

Таиланднинг Хуа Хин шаҳрида теннис бўйича WTA туркумига кирувчи турнир давом этмоқда.

Мукофот жамғармаси 251 750 АҚШ долларини ташкил этувчи ушбу мусобақада тажрибали теннисчимиз Акгул Аманмурадова ҳам ўз имкониятини синовдан ўтказяпти. Ҳамюртимиз ўз иштирокини саралаш баҳсларидан бошлади ва рейтингда ўзидан 115 поғона юқорида турган рақибини мағлуб этди.

WTA рейтингида 456-поғонадан жой олган Аманмуродова япониялик Дзюнри Намигата 1:6, 6:3, 6:2 ҳисобида таслим эта олди. Акгулнинг саралаш финал босқичидаги рақиби, Хитой Тайпейи вакиласи Ен-Шуо Лян бўлади. Бу теннисчи рейтингда 238-ўринни эгаллаб турибди.