01 июн 20:23
Янгиликлар
Теннис
Амир Милушевнинг "Ролан Гаррос"даги илк учрашуви 52 дақиқа давом этди
Франция пойтахти Парижда теннис бўйича ёшлар ўртасида "Катта Дубулға" таснифига кирувчи "Ролан Гаррос" турнири старт олди.
Бугун мусобақанинг саралаш босқичидан ўрин олган илк учрашувлар бўлиб ўтмоқда. Бироз аввал ўзбекистонлик 17 ёшли теннисчи Амир Милушев илк саралаш босқичидаги ўйинини ўтказди. Жанубий Корея вакили Ро Хойонгга қарши кечган баҳсда ҳамюртимиз 0/6, 2/6 ҳисобларида имкониятни бой берди ва афсуски мусобақа билан эрта хайрлашишга мажбур бўлди. Баҳс 52 дақиқа давом этди.
Маълумот учун, Амир айни дамда ITF дунё рейтингида 87, Ро Хойонг эса 56-ўринни эгаллаб турибди.
Эндиликда жанубий кореялик теннисчи саралаш финалида франциялик Феликс Бальшо ҳамда АҚШ вакили Купер Войстэндик жуфтлиги ғолибига қарши кортга чиқади.
Ҳавола :
Манба : olamsport.com
Фикрлар