Амир Хон бир ёнди-ю ўчди

2004-йилги Афина Олимпиадасида Буюк Британия терма жамоаси таркибида кумуш медалга эга бўлган истеъдодли спортчи АИБА томонидан профессионал боксчиларга ёзги Олимпия ўйинларида иштирок этишга рухсат берилганидан сўнг тарихий ватани номидан нуфузли мусобақада иштирок этиш ташаббуси билан чиққан, буни Покистон Бокс федерацияси ҳам қизғин қўллаб-қувватлаганди.

Кўпчиликни таажжубга солган қарорни Амир Венесуэлада ўтадиган олимпия ўйинларига саралаш турнирига пухта тайёрлана олмаслиги билан изоҳлади. Бўлажак мусобақа июль ойининг дастлабки ҳафтасида бошланади.

Эслатиб ўтамиз, 29 ёшли  спортчи жорий йилнинг 7 май куни ўрта вазн тоифасининг WBC йўналиши чемпиони Сауль Альваресга (46-1-1) қарши рингга чиқиб, олтинчи раундда оғир нокаутга учраган эди.