Ана холос! Конор Макгрегор жинсий зўравонликда айбланмоқда

Жабрланувчи, сартарош Никита Ни Лаймхиннинг сўзларига кўра, 2018 йил 9 декабрда Макгрегор ва унинг дўсти Жеймс Лоуренс Дублинда унга нисбатан жинсий зўравонлик қилган.

Рождество зиёфатидан сўнг Ни Лаймхин Макгрегорга алоқага чиққан, шундан сўнг Конор уни дўсти билан шахсий машинасида олиб кетган. Аниқлик киритилишича, ўша куни кечқурун ирландиялик жангчида наркотик моддалар солинган халта бўлган. Бироз вақт ўтгач, улар Жеймс Лоуренснинг уйига етиб келишган, шунда Макгрегор Никитага жисмоний куч ишлатган. Жабрланувчининг сўзларига кўра, Конор уни бўғиб қўйган.

Никита Ни Лаймхин Конор Макгрегордан товон пули талаб қилмоқда. Ирландияликнинг адвокатлари Ни Лаймхин товламачилик ва фирибгарлик билан шуғулланганини таъкидламоқда. Кейинги суд мажлиси икки ҳафта ичида бўлиб ўтиши кутилмоқда.