10 июн 09:28
Янгиликлар
Бокс/ММА
Ана холос! Райан Гарсия қамоққа олинди
Яримўрта вазнда америкалик профессионал бокс юлдузи Райан Гарсия Калифорниядаги меҳмонхонада маст ҳолатда жанжал уюштирганидан сўнг полиция томонидан ҳибсга олинди.
Бу ҳақда ESPN нашри хабар бермоқда. Шанба куни Гарсия маст ҳолда Беверли-Хиллздаги меҳмонхонада тартибсизлик келтириб чиқарган. Қайд этилишича, у муассасага 15 минг доллар миқдорида зарар етказган.
Гарсиянинг адвокати Райаннинг аҳволини яқинда саратон касаллигига чалинган онасининг соғлиғи ҳақидаги хабардан тушкунликда эканлиги билан изоҳлади.
"У руҳий саломатлик билан боғлиқ муаммолар ҳақида очиқ гапирди, энди унинг елкасида катта ҳиссий босим бор", дея адвокатнинг сўзларини келтиради ESPN нашри.
Эслатиб ўтамиз, Гарсия ҳамюрти Девин Хейни билан апрель ойи охирида бўлиб ўтган жанг олдидан допинг-тестдан ўта олмаган эди. Жанг Райаннинг очколар ҳисобидаги ғалабаси билан якунланганди.
Ҳавола :
Манба : championat.com
Фикрлар