06 окт 18:31
Янгиликлар

Бокс/ММА

Ана холос! UFC фаолиятини якунлаган Холланднинг навбатдаги жангини расман эълон қилди + ПОСТЕР

Америка вакиллари Стивен Томпсон ва Кевин Холланд ўртасидаги жанг UFC Orlando турнирининг асосий тўқнашуви этиб белгиланди.

Бу ҳақда UFC матбуот хизмати хабар бермоқда. Турнир Тошкент вақти билан 4 декабрь куни бўлиб ўтади.

"Қизиқарли жанг ихлосмандлари сизларга совғамиз бор. Стивен Томпсон ва Кевин Холланд UFC Orlando турнирининг марказий жанги бўлади", — дея хабар беради UFC.

Қизиқарлиси шундаки, аввалроқ Холланд фаолиятини якунлаганини эълон қилган эди.

Томпсон сўнгги жангида ҳамюрти Белал Муҳаммадга очколар ҳисобида мағлуб бўлганди.