Кевин Холланд UFC`да миллионер жангчи эканлигини рад этди

Барча белгилар бу Кевин Холланд эканлигини кўрсатмоқда, бироқ америкалик спортчи гап айнан у ҳақида кетаётганини қатъиян рад этмоқда.

2018 йилда UFC`даги дебютидан бери Холланд 29 та жанг ўтказди, ўн марта 50 000 долларлик турнир бонусларини қўлга киритди. Охирги эълон қилинган гонорар маълумотларига кўра, ўтган йилнинг январь ойида у Рене де Риддерга қарши жангда (биринчи раундда бўғиш усули билан мағлуб бўлган) 250 000 доллар ишлаб олган.

Агар бунга ҳомийлик даромадларини, шунингдек, лига алоҳида тўлайдиган қисқа муддатли огоҳлантириш билан ўтказилган тез-тез жангларни қўшадиган бўлсак, америкалик жангчи Уайт назарда тутган ягона номзоддек кўринади. Бироқ Холланд ўзининг миллионер эканлигини тан олишга тайёр эмас.

"Мен эндигина уйғондим ва ҳаммангизга шуни айтмоқчиманки: бу жангчи — мен эмасман! Бу сафсатага қулоқ солманг. Босс бошқа биров ҳақида гапирмоқда. Қанийди, гап мен ҳақимда кетаётган бўлса эди", — деб ёзди Холланд ижтимоий тармоқдаги саҳифасида.

Агар гап чемпионлик камари учун жанг қилган спортчи ҳақида кетганида эди, Contender Series орқали ўтган Жамал Хилл, Шон О`Мэлли, Карлос Ульберг ва Жек Делла Маддалена номлари тилга олиниши мумкин эди. Бироқ Уайт айнан чемпионлик учун курашмаган жангчини назарда тутганини таъкидлади. Шунга қарамай, бу жангчи барибир Кевин Холланд бўлиш эҳтимоли юқори, шунчаки у ўз молиявий аҳволи оммавий муҳокама қилинишини истамаяпти.