Андерсон Сильва ва Жейк Пол тарозига чиқишди (ВИДЕО + ФОТО)

Оқшомнинг қизиқарли жанги ўрта вазн тоифасида собиқ UFC чемпиони Андерсон Сильва ҳамда таниқли блогер-боксчи Жейк Пол ўртасида бўлиб ўтади. Бокс қоидалари асосида кечадиган ушбу жанг иштирокчилари белгиланган вазн (85 кг) меъёрини бажаришди. Пол ҳам, Сильва ҳам бир хил 84.4 кг тош босишди. 

Регламентга кўра ушбу жанг саккиз раундга мўлжалланган бўлиб, профессионал мақомга эга бўлади. 47 ёшли Андерсон Сильва 2020 йилнинг ноябрь ойида UFC промоушенидан ҳайдалган эди. Шундан сўнг у 3 та бокс жангида рингга кўтарилди. Аввалига Хулио Сезар Чавес очколар ҳисобига кўра мағлуб этилди. Кейин Тито Ортиз иккинчи раундда нокаут қилинди. Бруно Мачадога қарши жанги ғолиби эса регламентга кўра эълон қилинмаган.

25 ёшли Жейк Пол эса проф рингда 5 та ғалабага эришди. Сўнгги жангида яримўрта вазнда собиқ UFC чемпиони Тайрон Вудлини нокаутга учратган эди.