Андижон “Фьючерс”. Файзиев 6-ракеткани мағлуб этди

Эркак теннисчилар ўртасидаги турнирда иккинчи давра иштирокчилари маълум бўлди. Мамлакатимизнинг иккинчи ракеткаси, асосий тўрга саралаш мусобақаси орқали етиб келган Санжар Файзиев турнирнинг сараланган теннисчисини мағлуб эта олди. 

Файзиев илк босқичда 6-рақам остида ҳаракат қилаётган беларуслик Ярослав Шилани 7:6(8), 7:6(4) ҳисобида таслим этди. Энди у чорак финал чиптаси учун россиялик Михаил Халдеевга қарши кортга чиқади. Халдеев биринчи даврада беларуслик Иван Лиутаревичдан 7:5, 6:3 ҳисобида устун келди. 

Эслатиб ўтамиз, кеча Ҳумоюн Султонов яна бир ҳамюртимиз Павел Цойни 6:2, 6:1, саралаш баҳслари орқали асосий тўрга етиб келган Саидаъло Саидкаримов қозоғистонлик Тимур Хабибулинни 3:6, 6:1, 6:4, Ботир Сапаев эса рейтингда ўзидан анча юқорида турган украиналик Олег Хотковни 6:7(5), 6:1, 6:3 ҳисобида таслим этган эди.