01 июн 09:43
Янгиликлар

Теннис

Андижон “Фьючерс”. Файзиев ҳам бугун ярим финалда ўйнайди

Хабар берганимиздек, шу кунларда Андижон шаҳрида “Фьючерс” туркумига кирувчи теннис турнири давом этмоқда.

Мусобақанинг мукофот жамғармаси 25 000 АҚШ долларини ташкил қилади. Эркак теннисчилар ўртасидаги мусобақада ярим финалчилар номи маълум бўлди. Турнирнинг асосий тўр баҳсларига саралаш турнири орқали етиб келган ҳамюртимиз Санжар Файзиев бугун финал чиптаси учун кортга чиқади.

Мамлакатимизнинг иккинчи ракеткаси турнирда еттинчи рақам остида сараланган беларуслик Сергей Бетов билан тўқнаш келади. Кеча Файзиев чорак финалда турнирнинг учинчи ракеткаси россиялик Роман Сафиулиндан 4:6, 6:2, 6:4 ҳисобида устун келганди.