11 янв 08:48
Янгиликлар

Волейбол

Андижонда волейбол бўйича хотира турнири бўлиб ўтди

Ўзбекистон Республикаси Президентининг 2020 йил 30 октябрдаги «Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида»ги ПФ–6099-сонли фармони ижросини таъминлаш мақсадида республикамиз бўйлаб спорт мусобақалари мунтазам ўтказиб келинмоқда.

Жумладан, Андижон вилоятида ҳам турли йўналишлари бўйича мусобақалар ўтказилмоқда. Шундай спорт мусобақаларидан бири волейбол бўйича бўлиб ўтди.
Ушбу мусобақа Андижон шаҳрида жисмоний тарбия ўқитувчиси З.Расулова хотирасига бағишлаб ўтказилди.

Мазкур «Водий очиқ турнири» мусобақасида спорт мактабларидан 6 та жамоа иштирок этди. Мусобақа якунига кўра барча иштирокчилар ташкилотчилар томонидан қимматбаҳо ва эсдалик совғалари билан тақдирланишди.