30 май 15:05
Янгиликлар

Теннис

Андрей Рублёв French Open учинчи даврасига чиқди

Франция пойтахти Париж шаҳрида теннис бўйича "Катта Дубулға" туркумига кирувчи "Ролан Гаррос" турнири давом этмоқда.

Дунёнинг олтинчи ракеткаси Андрей Рублёв мусобақанинг учинчи босқич иштирокчисига айланди. Россиялик теннисчи 121 дақиқа давом этган иккинчи давра учрашувида ATP рейтингида 48-ўринни эгаллаб турган испаниялик Педро Мартинесни мағлубиятга учратди - 6/3, 6/4, 6/2.

Теннисчиларнинг ўзаро иккинчи учрашувида ҳам Рублёв ғалаба қозонди. Андрей 10, Педро эса 2 та эйс зарбасини амалга оширган. Қўшхатолар Мартинесда кўпроқ бўлди - 4 га 2. Брейклар бўйича устунлик рус теннисчиси томонда - 5 га 1.