30 авг 17:39
Янгиликлар
Футбол
Англия термаси ҳужумчиси "Челси" ва МЮ таклифини рад этиб, Саудия Арабистонига йўл олмоқда
Англия терма жамоаси ҳужумчиси Осиёга йўл оладиган бўлди.
Журналист Лоик Танзи ижтимоий тармоқлардаги саҳифасида 28 ёшли Айвен Тоуни фаолиятини Саудия Арабистонида давом эттиришини маълум қилди. Инсайдернинг хабарига кўра, бугун тонгда "Брентфорд" "Ал Аҳли"нинг Тоуни бўйича таклифини қабул қилган. Трансфер суммаси — 42 миллион евро.
Ёзда Айвен Тоуни Англия термаси сафида Европа чемпионатида иштирок этди. "Брентфорд"да эса 2020 йил сентябридан буён ҳужумчи 141 расмий ўйинда майдонга тушди ва 72 та гол уриб, 23 та голли узатма етказиб берган.
Эслатиб ўтамиз, аввалроқ Айвен Тоуни АПЛнинг бошқа клублари, жумладан "Манчестер Юнайтед" ва "Челси" сафига ўтиши мумкинлиги айтилганди.
Ҳавола :
Манба : Журналист Лоик Танзи
Фикрлар