"Аниқ "крыса" бор". Фьюрининг менежери маълумотлар чиқиб кетаётганидан ҳавотирда

Унинг айтишича, маълумотларни айнан жамоадан кимдир бошқаларга етказиб турибди. Аввалроқ собиқ чемпион Жонни Нельсон спарринглар вақтида британияликни рингга йиқитишгани ҳақида хабарларни маълум қилганди. 

"Жонни Нельсон? Бизда аниқ "крыса" бор. Биз барчасини аниқлаймиз. Барчасини кўриб чиқамиз. Информаторни топамиз. Битта шубҳаланувчи менда бор. Биттасини аниқладим.

У Нельсонга қандайдир гапларни етказибди. Опетая Фьюрини нокаут қилибдими? Бу худди Везувия вулқонининг йўқолиши каби ҳақиқат. Бундай бўлгани йўқ. Умуман, Тайсон ажойиб формада эди. 

"Каламуш" аниқ бор. У бизга қарши ишлайди деб ҳисобламайман. Шунчаки, воқеа яхшироқ эшитилиши учун ўзидан қўшади. Спарринглар ҳақида гапирсак, бу ҳар куни бўлади. Ҳар куни идеал бўлишнинг имкони йўқ", - деди Браун.