15 июл 12:13
Янгиликлар
Енгил атлетика
Анвар Анваров Венгриядаги турнирда шоҳсупага кўтарилди (ВИДЕО)
Венгрия пойтахти Будапешт шаҳрида "World Athletics Continental Tour Gold" туркумига кирувчи, енгил атлетика афсонаси Истван Гюлай хотирасига бағишланган Венгрия Гран-приси бўлиб ўтди.
Дунёнинг энг кучли атлетлари иштирок этган ушбу нуфузли мусобақада Ўзбекистон шарафини ҳимоя қилган Анвар Анваров яна бир бор юқори натижа қайд этиб, совриндорлар сафидан жой олди.
Эркаклар ўртасидаги узунликка сакраш баҳсларида ҳамюртимиз ўзининг энг яхши уринишида 8,12 метр натижа кўрсатди. У дастлабки уч уриниш якунига кўра мусобақада пешқадамликни қўлга олган бўлса-да, кейинги уринишларда рақибларининг натижалари эвазига мусобақани кумуш медаль билан якунлади.
Мусобақада Греция вакили Милтиадис Тентоглоу 8,31 метр натижа билан ғолибликни қўлга киритди. Бронза медаль эса германиялик атлет Зимон Батсга насиб этди. У ҳам Анвар Анваров сингари 8,12 метр натижа қайд этди.
Ҳавола :
Манба : uzathletics.uz
Фикрлар