Анвар Анваров дунёнинг энг кучли узунликка сакровчилари сафида

Халқар турнир енгил атлетиканинг 28 та тури бўйича бўлиб ўтади. Унда Олимпиада ва жаҳон чемпионлари, "Бриллиант Лига" ғолиблари ҳамда мавсум давомида юқори натижа қайд этган энг кучли атлетлар жамланади. Турнирнинг умумий мукофот жамғармаси 10 миллион АҚШ долларини ташкил этади, ҳар бир йўналиш ғолибига 150 минг доллар берилади.  

Ўзбекистон терма жамоаси вакили Анвар Анваров ҳам мазкур мусобақада эркаклар ўртасида узунликка сакраш баҳсида иштирок этади.

Анваровнинг мавсумдаги энг яхши натижаси — 8,29 метр. Ушбу кўрсаткич билан у турнирнинг финал иштирокчилари қаторидан жой олган. Анвар билан бирга икки карра Олимпиада чемпиони Милтиадис Тентоглу (Греция), Тажай Гайл (Ямайка), Симон Эхаммер (Швейцария), Божидар Сарабоюков (Болгария) каби дунёнинг кучли атлетлари баҳс олиб боради.  

Эркаклар ўртасидаги узунликка сакраш финали 12 сентябрь куни Тошкент вақти билан 22:44 да бошланади.