15 сен 07:26
Янгиликлар

Сув спорти турлари

Ўзбекистон синхрон сузиш бўйича Жаҳон чемпиони, Европа чемпиони ва 19 йиллик тажрибага эга мураббийни маҳаллийлаштирди

World Aquatics халқаро федерацияси Анастасия Бахтирева ва Виолетта Евенконинг спорт фуқаролигини ўзгартиришини маъқуллади.

Энди спортчилар синхрон сузиш бўйича Ўзбекистон шарафини ҳимоя қилади.

Ҳар икки спортчи ҳам аллақачон Ўзбекистон миллий терма жамоаси таркибида машғулот олиб боряпти. Улар аёллар дуэти дастурида мусобақаларда иштирок этади. Терма жамоанинг амалдаги спортчиси Сабина Маҳмудова эса захира таркибига киритилди.

Анастасия Бахтирева — Европанинг уч карра чемпиони ва Жаҳон сериясининг икки карра ғолиби. Виолетта Евенко — кўп карра Европа чемпиони, Жаҳон серияси ғолиби ҳамда Жаҳон чемпионати ғолиби.

Терма жамоа тайёргарлигига юқори даражадаги спорт соҳасида 19 йиллик тажрибага эга мураббий Юлия Митева ҳам жалб этилди. Янги дуэт учун яқиндаги энг йирик мусобақалардан бири Аичи–Нагоя Осиё ўйинлари бўлади.