07 сен 18:27
Янгиликлар

Енгил атлетика

Анвар Анваров Хорватияда "олтин" даражадаги турнирда кумуш медални қўлга киритди

Кеча Хорватиянинг Загреб шаҳрида енгил атлетика бўйича "олтин" даражадаги халқаро мусобақа ўтказилди.

Мусобақада Ўзбекистон терма жамоаси аъзоси Анвар Анваров иштирок этиб, кумуш медалга сазовор бўлди.

Узунликка сакраш дастурида қатнашган ҳамюртимиз 7.99 метр натижа қайд этди. Аҳамиятлиси, олтин медалга эга чиққан ямайкалик Шон Томпсон ҳам худди шундай натижа кўрсатган. Бироқ океан орти вакили ушбу масофани аввалроқ забт этгани учун устунлик Томпсон томонида бўлди. Учинчи ўрин эса мезбон Роко Фаркашга насиб этди.

1. Шон Томпсон (Ямайка) – 7.99 метр

2. Анвар Анваров (Ўзбекистон) – 7.99

3. Роко Фаркаш (Хорватия) – 7.90.