19 май 09:48
Янгиликлар
АПЛда ЕЧЛ йўлланмаси учун кураш: "Ливерпуль" ва "Лестер" бир хил очко тўплаши мумкин (+турнир жадвали)
Бу ғалаба орқали "Челси" 67 очко билан 3-ўринга кўтарилиб олди. "Лестер" эса 66 очко тўплаган ҳолда ЕЧЛда иштирок этиш ҳуқуқини берувчи 4-ўринни эгаллаб турибди.
"Ливерпуль" эса 63 очко билан бешинчи поғонада турибди. Аммо Клопп шогирдлари рақибларидан битта кам ўйин ўтказишган.
Агар "Ливерпуль" ва "Лестер" қолган барча ўйинларда ғалаба қозонадиган бўлишса, бир хил очко тўплашади. Шунда тўртинчи ўрин соҳиби тўплар нисбатига кўра аниқланади.
Айни пайтда урилган ва ўтказиб юборилган голлар бўйича "Лестер"да плюс 20 (66:46), "Ливерпул"да эса плюс 21 (63:42) кўрсаткичи мавжуд.
"Челси" сўнгги турда сафарда "Астон Вилла"га қарши ўйнайди. "Лестер" эса ўз майдонида "Тоттенхэм"ни қабул қилади. "Ливерпул"да эса сафарда "Бёрнли", ўз майдонида "Кристал Пэлас"га қарши ўйинлар бор.
Фикрлар