АҚШ терма жамоаси сафидаги юртдошларимиз Гулруҳбегим Тоҳиржонова ҳамда Тимур Гареев рапид баҳсларини қандай натижа билан якунлади?

Эркаклар ўртасида 13 та партия ўтказилганидан хабарингиз бор. Ушбу ўйинларда АҚШ сафида ҳамюртимиз Тимур Гареев иштирок этаётгани ҳақида маълум қилган эдик. У 13 та тур якунига кўра 7 очко жамғаришга муваффақ бўлди. Гареев якуний турнир жадвалида 71-ўриндан жой олди.

Шунингдек, аёллар ўртасида АҚШ сафидаги ҳамюртимиз Гулруҳбегим Тоҳиржонова ҳам рапид баҳсларини бироз тушкун кайфиятда якунлайдиган бўлди. У 11 та тур якунига кўра, 5 очко ишлади. Гулруҳбегим мусобақанинг илк кунида ўтказилган тўртта раунднинг учтасида ғалаба, биттасида дуранг қайд этган эди. Аммо Тоҳиржонова кеча ва бугун ўтказилган еттита ўйинда битта ғалаба ва битта дуранг қайд этди, қолган барча баҳсда рақибларига имкониятни бой бериб қўйди.

Гулруҳбегим Тоҳиржонова рапид йўналишидаги турнирни 5 очко билан 69-ўринда якунлади.