Аралаш яккакурашчиларимиз Octagon 62 турнирида қандай натижа қайд этишди?

Биз учун аҳамиятлиси, турнир доирасида беш нафар ҳамюртимиз навбатдаги жангларини ўтказишди. Ўта енгил вазндаги вакилимиз Ахмат Мамлакатов қирғизистонлик Гулжигит Адилет уулуга биринчи раунднинг биринчи раундидаёқ имкониятни бой берди. Гулжигит бўғиш усули билан муддатидан олдин ғалабага эришди. Бу унинг тўртинчи ғалабаси бўлди. 

Ярим ўрта вазн тоифасида ўтган жангда ҳамюртимиз Абдулазиз Мустафаев қозоғистонлик Муратжан Юсуповга қарши октагонга чиқди. Уч раунд тўлиқ давом этган жангда Юсупов ҳакамларнинг якдил қарори билан зафар қучди. Бу унинг учинчи ғалабаси эди. 

Оғир вазнда ватандошимиз Хабиб Газиев мезбон жангчиси Мирас Есмахай билан тўқнаш келди. Дебютантлар ўртасидаги жанг биринчи раунднинг ўзида Хабиб Газиевнинг ғалабаси билан якунланди. Ҳамюртимиз кетма-кет зарбаларидан кейин рефери жангни тўхтатишга мажбур бўлди. 

Енгил вазндаги жангчимиз Мавлонбек Миркомилов (6-2-1) фаолиятидаги олтинчи ғалабасини тантана қилди. Аралаш яккакураш устамиз иккинчи раунднинг биринчи дақиқасидаёқ тожикистонлик Фарҳод Давлатов (Тожикистон, 8-4)ни бўғиб қўйди. Жангдан кейин у ушбу вазнда чемпион бўлиб турган яна бир ҳамюртимиз Достон Бозоровга қарши октагонга чиқишга тайёр эканини маълум қилди.    

Ҳамюртларимиз иштирокидаги сўнгги жанг енгил вазнда ўтказилиб, унда Мансур Атажанов тожикистонлик Қамариддин "Камил Каратэ" Ҳасановга қарши октагонга чиқди. Уч раунд тўлиқ давом этган жангда Камил Каратэ ҳакамларнинг якдил қарори билан ғалаба қозонди.