Аргентина ва Нидерландия ҳозиргача 40,5 млн доллардан ишлаб олди. ЖЧ-2022 соврин жамғармаси ҳақида маълумот

Бу 2018 йилги мусобақадан 40 млн долларга кўп деганидир.

Қатардаги мундиал гуруҳ босқичига йўл олган ҳар бир терма жамоага 9 млн евродан ажратилган. Шунингдек, ҳар бир иштирокчи ЖЧ олдидан тайёргарлиги учун 1,5 млн долларга эга бўлган.

1/8 финалга чиққан терма жамоалар яна қўшимча 13 млн доллардан ишлаб олди. Аргентина ва Нидерландия чорак финалга масаласини ижобий ҳал этди. Ушбу босқичга етиб келган иштирокчиларга 17 млн доллардан ажратилиши кўзда тутилган. Шундай қилиб, икки терма ҳозиргача 40,5 млн доллардан (1,5 млн билан бирга) ишлаб олишга улгурди.

Мусобақада тўртинчи бўлган термага 25 млн доллар, бронза медали соҳибига эса 27 млн доллар ўтказилади.

Чемпион ва финалчи қанча маблағга эга бўлади?

Финалда мағлуб бўлган жамоа 30 млн доллар қўлга киритади. Мусобақа ғолибига эса 42 млн доллар мукофот пули топширилади.

Шундай қилиб, ЖЧ-2022 чемпиони умумий 82,5 млн долларга эга чиқиш имкони бор.