Арина Соболенко Mutua Madrid Open бош соврини учун кортга чиқади

Дунёнинг иккинчи ракеткаси бўлиб турган Арина Соболенко мусобақанинг финал йўлланмасини қўлга киритди. Беларуслик теннис маликаси 1/2 финал баҳсида WTA рейтингида 4-ўринни эгаллаб турган қозоғистонлик Елена Рибакинани иродали тарзда мағлубиятга учратди - 1/6, 7/5, 7/6(5). 

Теннисчиларнинг ўзаро учрашувларида Соболенко олдинда бормоқда - 6:3. Арина Елена Рибакинанинг 16 та ғалабадан иборат сериясига чек қўйди. Шунингдек, Арина дунёнинг иккинчи ракеткаси мақомини ҳам ўзида сақлаб қолди. Агар мағлубиятга учраганида ўз ўрнини америкалик Кори Гоффга бўшатиб берар эди. 

Икки соату 17 дақиқалик учрашуви статистикаси:

Арина Соболенко - 4 та эйс, 4 та қўшхато, 3 та брейк

Елена Рибакина - 9 та эйс, 3 та қўшхато, 4 та брейк