"Арсенал" ва "Барселона" германиялик футболчи учун курашмоқда

Икки клуб ҳам бу йил ёзда эркин агентга айланадиган ўйинчи вазиятини кузатмоқда. Бу ҳақда Sky Sport Germany хабар берди.

"Боруссия"да етти йил ўйнагандан сўнг Брандт кейинги қадамни қўйишни режалаштирмоқда ва Испания, Италия ҳамда Буюк Британияни карьерасини давом эттириш учун мумкин бўлган йўналишлар сифатида кўриб чиқмоқда.

Ҳозирда клублар билан аниқ музокаралар олиб борилмаяпти. Қайд этиш жоизки, Брандт қишги трансфер ойнасида Англия Премьер-лигаси клубларидан иккита таклиф олган, бироқ у мавсумни "Боруссия" сафида тугатишни хоҳлагани учун уларни рад этган.

Жорий мавсумда Брандт барча турнирларда 32 та ўйин ўтказиб, 10 та гол урди ва 3 та голли узатма берди. Transfermarkt маълумотларига кўра, ярим ҳимоячининг нархи 20 миллион евро.