Артур Таймазов ўз номзодини депутатликка қўйди

Ўзбекистон спорт курашлари ассоциацияси вақтинчалик Шимолий Осетия-Алания Республикаси раҳбари вазифасини бажариб турган Вячеслав Битаров номига расмий мактуб йўллаб, Таймазовнинг бўлажак сайловлардаги иштирокига хайрихоҳлик билдирилган.  

Эслатиб ўтамиз, Артур Таймазов 2004 йили Афина, 2008 йили Пекин, 2012 йилда Лондонда ўтган ёзги олимпия ўйинларида олтин медални қўлга киритган. 2000 йили Сидней мезбонлик қилган Олимпиадада кумуш медалга сазовор бўлган.

Бундан ташқари, Таймазов Осиё ўйинларининг уч карра ғолиби хисобланади. У 2002, 2006 ва 2010 йиллари ўтказилган қитъа ўйинларида шохсупага кўтарилган. Жаҳон чемпионатларида икки бор (2003, 2006) жаҳон чемпиони, икки маротаба кумуш (2001, 2010) ҳамда бир бор бронза (2007) медалига сазовор бўлган. 2014 йили Тошкентда ўтказилган жаҳон чемпионати олдидан Бирлашган спорт курашлари шон-шуҳрат музейига қабул қилинган эди.