Арум Усик - Фьюри мутлақ чемпионлик жангини "Олимпийский"да кўрмоқчи

Оғир вазнда WBА (Super), WBО, IBF ва IBО йўналишлари бўйича жаҳон чемпиони Александр Усик тез орада Энтони Жошуага қарши реванш жангини ўтказади.

Украиналик промоутер Александр Красюкнинг сўзларига кўра, ғалаба қозонган тақдирда Усик ва WBC чемпиони Тайсон Фьюри ўртасида жанг ташкил қилиш эҳтимоли юқори.

"Тайсоннинг жамоасида уч нафар асосий одами бор: унинг менежери ҳамда икки промоутери Боб Арум ва Френк Уоррен. Мен уларнинг барчаси билан яхши муносабатдаман, лекин пул ҳақида гап кетганда (айниқса, америкаликлар ва британияликлар билан) яхши муносабатлар йўқолади. Биз ҳаммамиз эҳтиёткор одамлармиз ва бундай кураш тарихийдир. Агар биз буни кўриш учун яшасак, муроса топиш учун бизда етарлича ақл бор", - деди Красюк.

Красюк, шунингдек, Усик - Фьюри жангини ташкил этиш ҳақида бевосита гапирган Боб Арум билан суҳбат тўғрисида ҳикоя қилди.

"Биз у билан Энтони Жошуага қарши жанг олдидан гаплашганимизда, у шундай деди: "Мен Усик ғалаба қозонишини биламан. Шундай бўлса ажойиб бўларди, кейин Фьюри Уайлдерни мағлуб этади, Усик ва Фьюри эса Киевда мутлақ чемпионлик учун кураш олиб боради", - бу унинг сўзлари. Ҳаммаси тасвирга олинган", - деди Красюк.