09 май 09:02
Янгиликлар
Муайтай
Асламжон Ортиқов марказий жангда. Бугун икки ҳамюртимиз One Friday Fights 107 турнирида иштирок этади
Бугун Таиланднинг Бангкок шаҳрида жойлашган "Lumpinee" мажмуасида ONE Friday Fights 107 турнири ташкил этилади.
Биз учун аҳамиятлиси, аввал хабар берганимиздек, мусобақанинг марказий беллашувида ўзбекистонлик муай-тай устаси Асламжон Ортиқов мезбон юрт вакили Деддуанглек Вангхонгомга қарши жанг қилади. Маълумот ўрнида, Асламжон Ортиқов проф фаолияти давомида 20 та жанг ўтказиб, уларнинг барчасида ғалаба қозонган.
Бундан ташқари, мусобақа доирасида яна бир ҳамюртимиз Авазбек Холмирзаев ҳам ўз жангини ўтказади. Унга Бразилия вакили Робсон де Оливейра рақиб бўлади. Холмирзаев ҳисобида 11 та ғалаба ва 2 та мағлубият, Робсонда эса 10 та ғалаба ва 2 та мағлубият мавжуд.
Турнир Тошкент вақти билан 17:00 да старт олади.
Ҳавола :
Манба : olamsport.com
Фикрлар