28 май 16:28
Янгиликлар

Футбол

"Астон Вилла" бош мураббийининг отаси коронавирусдан вафот этди

"Астон Вилла" устози Дин Смитнинг отаси коронавирус инфекцияси олдида ожиз қолди.

Бу ҳақда Бирмингем клуби матбуот хизмати хабар бермоқда. Рон Смит 79 ёшда эди. У болалигидан "Астон Вилла" мухлиси бўлган ва бир неча йиллар давомида "Вилла Парк" стадионида стюард бўлиб ишлаган.

"Рон бир ой олдин коронавирусга чалинган эди. Шифохонада қисқа вақт бўлди ва ҳаётдан кўз юмди.

Рон ёшлигидан "Астон Вилла"га мухлислик қилган ва клубимизга бўлган муҳаббатини болаларига ҳам ўтказган. Биз ушбу қийин вазиятда Смитлар оиласи билан биргамиз", - дейилади "Астон Вилла"нинг расмий баёнотида.