Асу Алмабаевнинг навбатдаги жанги санаси ва манзили маълум бўлди

Бу ҳақда унинг мураббийи Эдуард Базров хабар берди. 

— Асуни UFC октагонида қачон яна кўрамиз? Аниқ сана ва рақиб борми?

— Бизда сана бор — 21 ноябрь! Бу Қатарда ўтказиладиган UFC турнири. Рақиб ҳам тез орада маълум бўлади, чунки Ройвал оилавий сабабларга кўра ва кичик жароҳати туфайли жангдан бош тортди. Ўйлайманки, яқин орада бизга рақибни айтишади. Мен ҳеч қандай исм айтмоқчи эмасман, чунки шартнома ҳали имзоланмаган. Аммо юз фоиз бизга кучли (Топ) рақиб беришади.

Эслатиб ўтамиз, Асу Алмабаев UFC`даги сўнгги жангини июнь ойида ўтказганди — ўшанда у учинчи раундда америкалик Чарльз Жонсон (20-9)ни бўғиш усули билан таслим этган эди.