31 авг 11:34
Янгиликлар

Бокс/ММА

Асу Алмабаевнинг UFC'даги навбатдаги жанги расман тасдиқланди + ПОСТЕР

Ўта енгил вазн тоифасида қозоғистонлик аралаш яккакураш устаси Асу Алмабаевнинг UFC'даги навбатдаги жанги Лига томонидан расман эълон қилинди.

Аввал хабар берганимиздек, Асу 20 октябрь куни Лас-Вегасда ташкил этиладиган UFC Fight Night турнири доирасида октагонга чиқади. Ўша куни Алмабаевга бразилиялик Матеус Николау рақиблик қилади.

Бу Асу учун UFC'даги тўртинчи жанг бўлади, у аввалги учта жангида ғалаба қозонган эди. Алмабаев фаолияти давомида 22 та жанг ўтказиб, уларнинг 20 тасида зафар қучган, ҳисобида 2 та мағлубият бор.